Sa lahat ng mga pinlanong lakad kasama ang mga kaibigang bloggers, ito ata yung pinakamatagal na pinagplanuhan. Bakit hindi, e hindi lang naman kaunting oras ang pagsasama, halos isang araw, actually, at hindi lang inuman, kwentuhan, kantahan at basagan. May kasama pang swimming.
Naganap yun nung Sabado, May 14, sa isang private resort sa Pansol. Tito ko ang nagmamanage ng resort kaya madaling nakausap. Buti na lang at nagcancel ang nakareserve kaya nung ma-book, excited na lahat. We were supposed to be there at 7pm at ang alis ay kinabukasan, 5pm. Pero nung gabing yun, ang dami daming ibang grupo ang nagkayayaang magpunta lahat sa south kaya ang resulta, sobrang traffic! sakay ng aming puting sasakyan, we left Sta. Rosa at 5pm. Ako, si Ate Kara, Jeremy, Cassie, ang kapatid kong si Anne, ang boyfriend niyang si Onid, at ang aming dalawang yaya. At dahil kami lang ang may sasakyan, bukod sa mga damit at gamit pampaligo at mga pagkaing dala, may mga dala pa kaming lutuan, at kung anik anik pang mga gamit. Mabagal ang usad ng trapiko. At nang sa wakas ay nakarating na kami sa Calamba, tumigil kami sa Burger King para kumain. Matapos ito, tuloy tuloy na kami sa resort. Nakarating kami pasado alas-8 na ng gabi.
Pagkarating dun, ibinaba ang mga gamit, inayos, at maya maya lang nagtatampisaw na sa swimming pool ang aming mga makukulit na piglets. Nakijoin na rin ako. Kung nagtataka kayo kung bakit wala si Daddy Bong, e dahil kasalukuyan siyang nasa Cebu at naghihintay ng flight pauwi ng Maynila. Ginanap ang graduation ng McDonald’s Kiddie Crew doon, at siya ang punong abala dito. Sa kamalasan nga lang, nagkaaberya ang flight niya kaya inumaga na siya ng dating sa Maynila. Meron siyang kwento dito.
Past 9pm na nang makarating si Kuhrach. Nanggaling siya sa Sta. Cruz kaya siguro mas mabilis siyang nakarating. Hindi ko na alam kung anong oras nagdatingan ang iba, mga past 10 na siguro ng gabi. AT shempre, dahil marami sila, ang saya ng entrance nila: Si Salbe, ang kanyang mga kapatid na sina Essy at Emon, si kaibigang Roi na mayaman at may 60k na tax, ang kaibigan niyang si Harvey na close na close kay Salbe, si Vajarl, si Yanah, si Kulisap, si Roastbeef, si Lababo, at si Lio na maraming stalkers. (Guys, may nakalimutan pa ba ako? wala na, di ba?)
Napakainit ng gabing yun, at dahil napakainit din ng tubig sa pansol, mainit ang lahat ng kaganapan na hindi ko naman nasundan lahat. LOL! Ang totoo, ang nagpainit sa lahat, e yung tinimpla ni Salbe na gin with melon juice and brown coffee. Isipin nyo naman ang lasa nun. Hindi nyo maisip? wag na. Hindi ko rin maisip. Sinundan yun ng Red Horse with Sprite kaya naman kinabukasan, wala na atang makaalala sa mga nangyari.
Ako, gustuhin ko mang magswimming nang walang patumangga, hindi ko nagawa dahil nung kasagsagan ng pagsuswimming ko kasama ang mga ka-wavelength, e biglang nagising ang mga piglets na sina Jeremy at Cassie. Dala na rin siguro ng wala sa tonong pagkanta ni Lababo. Maryosep. Pareho pala kami ng iniisip ni Anne. Habang nakahiga, pinipilit naming itama sa aming mga isip ang tono ni Lababo. haha! Peace, Labs. At dahil di ko maiiwan ang mga bata nang hindi sila mismo tatalon ulit sa swimming pool, ay napilitan akong iwan ang seryosong kwentuhan tungkol sa love at relationships sa pool.
Nung mag-aalas 4 na ng umaga, dumating na sa wakas si daddy Bong. Laking pasasalamat ko nung makita ko siya kasi worried talaga akong di siya makakauwi at masyado nang pagod para magbyahe. 36 hours na siyang hindi natutulog nung mga panahong yun. Pero buti na lang at energizer bunny ata itong hubby ko. Nakuha pa niyang magtravel to Pansol to be with us.
Pasado alas-6 na ng umaga nang maisipang tumigil sa pagwawala sa videoke ang F4 na itago na lang natin sa mga pangalang Roi, Kulisap, Lio, at Lababo. Jusme. Marami sigurong nagpasalamat! Ako, nakatulog na rin at nagising pasado alas-8 na nang umaga. Una kong pinuntahan ang dining/videoke area at namangha sa nakita. Parang scene lang naman sa isang alien abduction movie. Ang gulo gulo, nakakalat ang mga upuan, ang mga bote, at higit sa lahat, ang pagkain na pinagpipistahan na ng mga langaw nung mga panahong yun. Nasayang ang mga inihaw na tilapya at liempo. Sa sobrang ka-wasted-an ata, e walang nakaalalang takpan man lang ang mga pagkain. AT higit sa lahat, may mga bubog ng nabasag na bote ng Tanduay Ice. Kung sinong salarin, alamin natin mamaya.
AT dahil ako pa lang ang gising nung mga panahong yun, isa isa kong nilinis ang area, at maya maya pa, nagkaron na ng semblance of order yung paligid. At about the same time, nagising na rin ang dalawang yaya ko kaya tinulungan na nila ako sa pagluluto ng pagkain…nagsangag ng kanin, nagprito ng bacon at itlog, danggit, gumawa ng tuna spread (Si Kuhrach pala ang gumawa nito), nagluto ng sinigang, noodles for spaghetti, at spaghetti sauce. Nagluto ako ng spaghetti, dahil yun din ay naging advanced birthday celebration ng aming dalaginding na si Ate Kara who turned 14 yesterday, May 17.
Maya maya rin lang ay naglabasan na sa lungga ang mga tao, sa pangunguna nina Kuhrach at Kulisap. Buti na lang at koboy naman ang mga tao kaya kahit anong nakahain sa mesa, sinunggaban nila. Ang hindi lang ata nakakain ay si Yanah na sobrang masakit ang ulo dahil sa…hindi na rin niya maalala. Ganun katindi ang pinainom ni Salbe! Siguro rin kaya masakit ang ulo niya, e dahil nawalan siya ng kapares ng contact lenses niya. Sayang! Siguro by now, malinaw na ang mata ng swimming pool na nakakuha ng contacts niya. LOL!
Nang makakain, nagvideoke ulit ang iba, at ang iba naman ay lumusong na ulit sa swimming pool. Kesehodang sobrang init ng panahon, swimming galore pa rin ulit ang lahat. At about 3pm, nagsama sama ulit ang lahat sa dining area para kantahan ng happy birthday si Ate Kara ko. Matapos yun, kainan na ng cake, at maya maya lang, umahon na rin, para tuluyan nang umuwi sa aming mga bahay.
Sabi ko nga, hindi ko lahat alam ang nangyari kaya yung mga natuklasan at naisip ko randomly, ay dito ko na lang isusulat:
1. Walang sinabi ang original na F4 sa pinagsama samang pwersa nina Lio, Lababo, Kulisap, at Roi. Magaling sumayaw si Kulisap, sabi ni Ate Kara at sila ang nakabasag ng bote ni Lio habang magkasayaw silang dalawa. Sabi rin nila, maganda raw palang panggamot sa nabubog ang Joy Antibac. Glowing inside si Kulisap. Ang masasabi ko naman, dapat, hindi sila nagpapasugat kung kelan tulog na ko. May dala kaya akong First Aid kit nun! Ayun, dumanak ang maharlikang dugo sa resort dahil kay Kulisap. Nasa tono ang pagkanta ni Lio na sobrang hilig din pala sa videoke. Siya ang nagumpisa, siya rin ang tumapos sa videoke marathon. at si Lababo. Nasabi ko na bang hirap na hirap akong itama ang tono niya sa pagiisip ko? Siya talaga ang salarin kung bakit nagising si Cassie in the middle of the night at umiyak nang umiyak. Hindi nya matiis ang naririnig niya sa labas. Mabuti na lang at bawing-bawi ka sa kitkat na nilantakan ng dalawang batang pinuyat mo. bwahahahah!
2. Ang pogi pala talaga ni Roastbeef. Di ba, toot toot? Nung makita niya si Daddy Bong nung umaga, napaalis siya sa pwesto niya at kunwaring nagpunta malapit sa lutuan. Nung tawagin ko para ipakilala kay Daddy Bong, saka niya inamin na nahihiya siyang lumapit kaya napalayo siya bigla. ahahahaha!
3. Mas maganda si Essy kay Salbe. Sorry, Salbe. baka kasi sakaling isama ako ni Essy sa concert ng Maroon 5. Haha! Joke lang. Ang totoo, tuwang tuwa ako na nameet ko na finally si Essy…si Essy na sumira sa record ko bilang may pinakakiller smile sa ilalim ng tubig…si Essy na kumabog sa aming lahat sa pagpose sa mga pictures. Si Essy, si Essy, puro na lang si Essy!
4. Tahimik si Emon. Hindi ko alam kung bakit sa kung anong kamalasan e naging kapatid niya sina Salbe at si Essy. (si Essy na naman. Nasabi ko na bang natutuwa ako kay Essy?)
5. Pag nalalasing, wala ring naaalala si Yanah. Para siyang si Lio na sinusunog ang utak kapag napapainom ng kung anu anong kakaibang lasang timpla ng inumin. Bumirit ng maraming beses si Yanah sa videoke. Pero ang pinakamahalagang usapan nung gabing yun ay si PP. Kung sino siya, tanungin nyo na lang si Yanah. Hihi!
6. Si Lio ay napakaraming tanong tungkol sa love and relationships. Naging instant marriage/relationship counselor tuloy ako. Pero ang mahalagang revelation tungkol sa kanya na ngayon ko lang narealize, siya ang long lost mommy ni Jeremy. Akala ko pa naman pinanganak ko si Jeremy. Akala ko lang yun, pero hindi! hindi! hindi! Nagulat ako dahil todo bonding sila ni Jemjem. Akala ko nga ipaaadopt na ni Jeremy si Tito Lio. Buti na lang hindi. LOL!
7. Si Harvey na kaibigan ni Roi at kaclose ni Salbe ay super bait din. May kusa siyang tumulong at masaya rin siyang kasama. Sa susunod, agahan mo ang gising para ikaw na ang magluluto, ha? hahaha! Joke lang!
8. Si Vajee. Hindi ko na alam ang nangyari kay Vajee. ang alam ko, unang una niyang binalita pagkakita niya saken, na nakita niya si Wobi.
9. Si Salbe…hmmm… ang alam ko, hindi man niya sabihin kahit kanino, siya ang isa sa pinakamasayang nilalang nung outing na yun… Sabi nga niya, na sabi ko rin, hindi kelangang ipangalandakang masaya ka kung talagang masaya ka. Hindi mo kelangang kumbinsihin ang kahit na sino at sabihing “ang saya saya ko” kung sa muka mo pa lang, kita na ang kasiyahan mo. Natutuwa talaga ako na tama ang mga desisyon mo. Ang hindi lang talaga tama, e ang timpla ng mga inuming pinanglasing mo sa aming lahat!
10. Last but not the least, namiss ko talaga ng bonggang jabongga si Daddy Bong. Thursday morning kasi nung huli kaming magkita dahil nung hapon, lumipad na nga siya papuntang Cebu. Kaya pagkakita ko sa kanya nung madaling araw ng Linggo, ang saya saya saya ko! Obvious naman, di ba, dad? 
———–
Some pics:
Night swimming. Sinong wasted?
Pansol's Next Top Model
Ito na muna. Tinatamad akong magupload ng ibang pics. Pati yung mga pics sa camera ni Ate Kara di pa nadiDL. Sowee.
Sana may kasunod pa ito! At sana yung ibang naimbitahan, e makasama na. Di ba, Tarbs?
